Fýtzaldan Eýropa chempıonaty: Qazaqstan — Armenııa kezdesýi qaı telearnadan kórsetiledi
ASTANA. KAZINFORM — Fýtzaldan 2026 jylǵy Eýropa chempıonatyna irikteý kezeńindegi Qazaqstan jáne Armenııa kezdesýi qaı telearnadan kórsetiletini belgili boldy.
Atalǵan oıyn 12 naýryzda elorda ýaqytymen 19:50–de bastalyp, «Qazsport» telearnasynan tikeleı efırde kórsetiledi.
Eki qurama altynshy topta synǵa túsip jatyr. Qazir týrnır kestesinde bes týrdan keıin 13 upaımen Armenııa birinshi orynda tur. Al Qazaqstannyń enshisinde 10 upaı jazylǵan.
Bul kezdesýde jeńimpaz bolǵan qurama qurlyqtyq dodanyń fınaldyq satysyna tikeleı joldama alady. Ekinshi oryndaǵy quramalar qosymsha joldamaǵa talasady.
El quramasy 10 naýryzda Armenııa astanasy Erevan qalasyna kelip jetti. Olar alǵashqy jattyǵýyn ótkizip úlgerdi.
Aıta ketsek, qazirge deıin Qazaqstan quramasy irikteý kezeńinde bes oıyn ótkizdi. Aldymen
Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tústi.