Fýtzaldan el birinshiliginde «Semeı» jeńisti jolyn jalǵastyrdy

ASTANA. KAZINFORM — Fýtzaldan Qazaqstan birinshiliginiń V týry máresine jetti. Kósh basynda kele jatqan «Semeı» bul týrda da jeńisti jolyn jalǵastyryp, óz alańynda «Qaraǵandy» komandasyn 7:0 esebimen jeńdi. Olar 4 qazanda atalǵan qarsylasyn 3:1 esebimen súrindirgen edi.

Semeılik klýb bıylǵy birinshilikti sátti bastady. Qazirge deıin alty týrda birde-bir márte jeńilistiń aşy dámin tatqan joq. Týrnır kestesinde 18 upaımen «Aqtóbemen» birge birinshi jáne ekinshi oryndy ózara bólisip tur. 

Al almatylyq «Qaırat» syrt alańda «Atyraýdy» 7:2, esebimen jeńse, bir kún buryn 2:2 esebimen teń túsken edi.

Sondaı-aq atalǵan týrda qaraǵandylyq «Tulpar» «Shymkentti» 7:3, 6:1, «Aqtóbe» aqtaýlyq «Kaspııdi» 6:1, 5:3 esebimen tize búktirdi. 

Al Qostanaı oblysynyń «Aıaty» elordalyq «Astanamen» 2:2 esebimen teń oınap, taǵy bir oıynda 4:2 esebimen basym tústi.

Sondaı-aq taldyqorǵandyq «Jetisý» Oraldyń «Baıterek» klýbyn 3:1 esebimen jeńip, taǵy bir kezdesýde 0:9 esebimen ese jiberdi. 

Aıta ketsek, fýtzaldan el birinshiliginde bıyl 12 komanda baq synap jatyr.
Endi aldaǵy týr oıyndary 10-11 qazan kúnderi ótkiziledi.