Fýtzaldan el birinshiligin «Semeı» sátti bastady

ASTANA. KAZINFORM — Fýtzaldan Qazaqstan chempıonatynyń alǵashqy týry máresine jetti.

Almatylyq «Qaırat» komandasy el birinshiligin sátti bastady. Olar alǵashqy týrda «Qaraǵandy» komandasyn 5:3 esebimen jeńdi.

Sondaı-aq «Atyraý» «Astanany» 5:2 esebimen jeńse, rýdnyılyq «Aıat» Oraldyń «Báıteregin» 6:5, «Semeı» aqtaýlyq «Kaspııdi» 6:2 esebimen tize búktirdi.

Endi kezekti týr oıyndary 6 jáne 7 qyrkúıek kúnderi ótedi.

Eske salsaq, fýtzaldan «Qaırat» komandasy 2025 jylǵy Qazaqstan chempıony boldy.

Aıta ketsek, budan buryn fýtzaldan 2026 jylǵy Eýropa chempıonatyna irikteýdiń pleı-off kezeńindegi Qazaqstan quramasynyń Italııaǵa qarsy eki oıynynyń qaıda ótetini jáne ýaqyty belgili boldy.

Aldymen otandastarymyz 18 qyrkúıekte qazaqstandyq ýaqytpen 23:55–te syrt alańda Italııanyń Fazano qalasynda kezdesse, odan keıin 23 qyrkúıekte 19:30–de olardy Astanadaǵy J.Úshkempirov atyndaǵy jekpe-jek saraıynda qabyldaıdy.