Fýtzaldan el chempıonatynda «Qaırat» ekinshi ret «Kaspııden» utyldy
NUR-SULTAN. QazAqparat - Fýtzaldan Qazaqstan chempıonatynda «Qaırat» taǵy da «Kaspııden» jeńildi, dep habarlaıdy QazAqparat Sports.kz saıtyna silteme jasap.
Almatylyq klýb 2:0 esebimen alda kele jatqan edi – «Qaırat» sapynan goldardy Savıo men Shyńǵys Esenamanov soqty. Alaıda, sońynda 2:3 esebimen jeńilis tapty. «Kaspıı» komandasynan Raıymbek Juma, Erlan Qaraqulov jáne Arman Qarajanov golmen kózge tústi.
Bir kún buryn Aqtaýda «Qaırat» «Kaspııden» utylyp qalǵan bolatyn – 1:4. Jeńiske jetken quramadan Tıago Kabeza men Arnold Knaýb eki goldan soqsa, «Qaırat» sapynda Dáýren Tursaǵulov erekshelendi.
«Qaıratty» qatarynan ekinshi ret jeńgen «Kaspıı» Qazaqstan chempıonatynyń týrnırlik kestesinde úshinshi orynǵa kóterilip, 55 upaıǵa ıe boldy. «Qaırat» 71 upaımen birinshi orynda tur.
