Fýtzaldan el birinshiliginde «Qaırat» komandasy «Aqtóbeni» 8:1 esebimen jeńdi

ASTANA. KAZINFORM – Búgin fýtzaldan Qazaqstan birinshiliginde VII týr oıyndary ótti.

Bıylǵy birinshilikti sátsiz bastaǵan almatylyq «Qaırat» óz alańynda «Aqtóbemen» sheberlik baıqasty. Qarsylasy osal bolǵan joq. Aqtóbelik komanda alty týrda birde-bir upaı joǵaltpaǵan. Alaıda Almatyda ótken oıynda «aq-qyzyldar» birinshi ret jeńildi. 

Kezdesý barysynda almatylyq klýb senimdi oıyn órnegin kórsetti. Nátıjesinde qarsylasynan 8:1 esebimen basym tústi. 

Kósh basynda kele jatqan Abaı oblysynyń «Semeıi» óz alańynda «Atyraýdy» qabyldady. Alty oıynnyń barlyǵynda jeńiske jettken semeılik fýtbolshylar sol jeńisti jolyn jalǵastyrdy. Olar «Atyraýdy» 4:3 esebimen jeńdi.

Qalǵan oıyndardyń nátıjesi

«Shymkent» – «Jetisý» (Taldyqorǵan) 4:3

«Astana» – «Tulpar» (Qaraǵandy) 4:3

«Kaspıı» (Aqtaý) – «Aıat» (Rýdnyı) 3:4

Aıta ketsek, fýtzaldan el birinshiliginde bıyl 12 komanda baq synap jatyr.

Bul týrdaǵy «Qaraǵandy» – «Báıterek» (Oral) kezdesýi 11 qazan kúni bolady. Sondaı-aq atalǵan oıyn kúninde ózge komandalar VIII týr oıyndaryn ótkizedi. 

Buǵan deıin fýtzaldan el birinshiliginde «Qaırat» pen «Aqtóbe» komandalary kezdesetinin jazǵan edik.