Fýtzaldan el birinshiliginde «Aıat» sátti bastady

ASTANA. KAZINFORM — Búgin, 12 qazanda fýtzaldan Qazaqstan chempıonaty jalaýyn kóterdi. Jarystyń alǵashqy kúninde úsh oıyn ótkizildi.

Byltyr el birinshiliginde qola júldeger atanǵan Rýdnyıdyń «Aıat» komandasy jańa maýsymdy sátti bastady. Atalǵan ujym birinshi týrda óz alańynda Aqtaýdyń «Kaspıı» klýbyn 5:3 esebimen tize búktirdi.

Al Taldyqorǵannyń «Jetisýy» men Oraldyń «Aqjaıyq» klýbtary arasyndaǵy oıyn tartysty ótti. Birinshi kezeńde qarsylastar bir-birden gol soqty. Ekinshi kezeńde taldyqorǵandyq klýb jınaqy oınap, jeńiske qol jetkizdi.

Atalǵan týrda «Atyraý» men «Ordabasy» (Shymkent) 0:0 esebine qanaǵat bildirdi.

Endi atalǵan týrda 17 qazanda «Tulpar» men «Qaırat», «Aqtóbe» men «Astana» sheberlik baıqasady. 

Erejege sáıkes pleı-off satysyna 8 komanda joldama alady. Shırek fınal bir komandanyń eki jeńisine deıin jalǵasady. Jartylaı fınalda ol úsh jeńiske deıin belgilengen. Al, 3-oryn úshin komandalar eki jeńiske deıin básekege tússe, fınalda jeńimpaz úsh jeńis boıynsha anyqtalady.