Fýtzaldan ECh: Portýgalııa alǵashqy bolyp fınalǵa shyqty
ORAL. QazAqparat - Slovenııada fýtzaldan ótip jatqan Eýropa chempıonatynda Portýgalııa quramasy alǵashqy bolyp fınalǵa shyqty, dep habarlaıdy «QazAqparat» tilshisi.
Jartylaı fınalda portýgalııalyqtar Reseı quramasymen kúsh synasty. 4-mınýtta Eder Lıma mergendik tanytyp, reseılikterdi alǵa shyǵardy. Jalpy, kópke deıin reseılikter shıraqtyq tanytyp, oıyn tizginin ustaı bildi. Alaıda 31-inshi jáne 36-mınýtta Andre Koelıý qos goldyń avtory atandy. Match sońyna taman reseılikter qaqpashysyn oıynshyǵa aýystyryp, alǵa umtyldy. Mine, dál osy sátte Brýno Koelıý bos qalǵan qaqpany dál kózdedi. Іle-shala Eder Lıma esepti qysqartqanymen, odan ári tarazy basyn teńestirýge reseılikter úlgermedi.
Ekinshi taım barysynda portýgalııalyqtar bes márte oıyn tártibin buzdy. Budan keıin 10 metrlik aıyp doby belgilenetin edi. Áıtse de tóreshiler reseılikterge mundaı múmkindikti bere qoıǵan joq. Buǵan reseılik oıynshylar men bapkerler narazylyq tanytyp jatty.
Osylaısha, 3:2 esebimen utqan portýgalııalyqtar fınalǵa joldama aldy. Endi olar 10 aqpan kúni Ispanııa nemese Qazaqstannyń qaı jeńgenimen kezdesedi. Al Reseı quramasy ekinshi jartylaı fınalda utylǵan komandamen qola júlde úshin talasady.
