Fýtzaldan Chempıondar lıgasy: Qazaqstandyq komandalar jeńilip qaldy
NUR-SULTAN. QazAqparat - Qazaqstandyq «Qaırat» jáne «Aıat» komandalary fýtzaldan UEFA Chempıondar lıgasy elıtalyq satysynan asa almady, dep habarlaıdy QazAqparat tilshisi.
S tobynda synǵa túsken Almatynyń «Qaıraty» tórtinshi oryndy qanaǵat tutty. Olar sońǵy týrda Portýgalııanyń «Benfıkasynan» 3:5 esebimen jeńilip qaldy. Almatylyq klýb budan buryn Ispanııanyń «Mýrsııa El-Poso» komandasynan 1:4 esebimen jeńilse, odan keıin Italııanyń «Pesaro» klýbynan 5:3 esebimen basym tústi. Bul topta jarysty jalǵastyrýǵa «Mýrsııa El-Poso» komandasy múmkindik aldy.
Al V tobynda baq synaǵan Rýdnyıdyń «Aıat» klýby Reseıdiń Tıýmen qalasynda ótken oıyndarda jergilikti «Tıýmeninen» klýbynan 0:3, Portýgalııanyń «Benfıkasynan» 2:5 esebimen ese jiberdi. Olar búgin Horvatııanyń Horvatııanyń «Novo Vrıeme» klýbynan 2:3 esebimen jeńildi.
«Qaırat» budan buryn 2018/2019 jylǵy kezeńde fınalıst atansa, 2012/2013, 2014/2015 jylǵy kezeńderde jeńimpaz boldy.
