Fýtzaldan Chempıondar lıgasy: Qazaqstandyq klýbtardyń oıyny qaı telearnadan kórsetiledi
NUR-SULTAN. QazAqparat - Fýtzaldan UEFA Chempıondar lıgasy 1/8 fınalyndaǵy «Qaırat» jáne «Aqtóbe» komandalarynyń qatysýymen ótetin eki oıyn «Qazsport» telearnasynan kórsetiledi, dep habarlaıdy QazAqparat tilshisi.
Esterińizge sala ketelik, qazaqstandyq klýb atalǵan týrnırdiń 1/8 fınalynan súrinbeı ótti. «Qaırat» Belarýstiń «VıtEn» komandasyn 5:3 esebimen tize búktirdi. Al «Aqtóbe» Grekııanyń AEK klýbyn 5:2 esebimen súrindirdi.
Endi qazaqstandyq klýbtar 1/8 fınaldaǵy oıyndardy Almaty qalasyndaǵy «Nur-Aman» sport kesheninde ótkizedi. 18 aqpanda saǵat 16.00-de «Aqtóbe» Slovenııanyń «Dobovets» klýbyn qabyldasa, 20 aqpanda saǵat 18.00-de «Qaırat» Rýmynııanyń «ıÝnaıted Galats» komandasymen sheberlik baıqasady.
«Qaırat» atalǵan týrnırde 2012/2013, 2014/2015 jyldarda jeńimpaz atanǵan edi. Ol ýaqytta týrnır UEFA kýbogy dep atalatyn. Al «Aqtóbe» ázirge mundaı tabysqa qol jetkize qoıǵan joq.
