Fýtzaldan Chempıondar lıgasy: Qazaqstandyq eki komanda qarsylastarynan jeńildi
ALMATY. QazAqparat - Búgin fýtzaldan UEFA Chempıondar lıgasy elıtalyq satysynyń alǵashqy týr oıyndary ótkizildi, dep habarlaıdy QazAqparat tilshisi.
Jarystyń atalmysh satysynda Almatynyń «Qaıraty» men Rýdnyıdyń «Aıat» komandalary synǵa túsedi. Eki komanda da birinshi týrda qarsylastaryna ese jiberip qoıdy.
«Qaırat» baq synap jatqan S tobyndaǵy oıyndar Almaty qalasynda ótkizilýde. Búgin almatylyqtar Ispanııanyń «Mýrsııa El-Poso» komandasymen kezdesti. Bul kezdesýde ıspan fýtzalshylary 4:1 esebimen jeńiske jetti. Olardyń qatarynan Fernan 19, Matteýs 34, Aleks 36, Alberto 37-mınýttarda gol soqsa, «Qaırat» sapynan Alberto 28-mınýtta jalǵyz golmen jaýap qaıyrdy.
Endi «Qaırat» 22 qarashada Portýgalııanyń «Benfıka», 24 qarashada Italııanyń «Pesaro» komandasymen kezdesedi. «Benfıka» búgin «Pesarodan» 1:5 eesbimen jeńilip qaldy.
Al «Aıat» V tobynda Reseıdiń Tıýmen qalasynda búgin jergilikti «Tıýmen» komandasynan 0:3 esebimen jeńilip qaldy. Endi «Aıat» 22 qarashada Portýgalııanyń «Benfıka», 24 qarashada Horvatııanyń «Novo Vrıeme» klýbtarymen sheberlik baıqasady.
Budan buryn «Qaırat» jáne «Aıat» elıtalyq kezeńge joldama alǵanyn habarlaǵan edik.
