Fýtzaldan Chempıondar lıgasy: «Qaırattyń» jartylaı fınaldaǵy qarsylasy anyqtaldy
NUR-SULTAN. QazAqparat - Fýtzaldan UEFA Chempıondar lıgasy jartylaı fınalynda Almatynyń «Qaırat» komandasynyń qarsylasy anyqtaldy, dep habarlaıdy QazAqparat tilshisi.
Esterińizge sala ketelik, qazaqstandyq klýb 28 sáýirde shırek fınalda Portýgalııanyń «Benfıka» komandasynan 6:2 esebimen basym tústi. Osylaısha jartylaı fınalǵa joldama aldy.
«Qaırat» endi Ispanııanyń «Barselona» klýbymen kezdesedi. Ispanııalyq klýb Slovenııanyń «Dobrovets» komandasyn 2:0 esebimen jeńdi.
Jartylaı fınal oıyndary 1 mamyr kúni ótkiziledi. Fınal 3 mamyrǵa belgilengen. Oıyndar Horvatııanyń Zadar qalasynda ótkizilip jatyr.
Sondaı-aq, búgin, 29 tamyzda shırek fınalda «Inter» (Ispanııa) - «Gazprom-ıÝgra» (Reseı), «Sportıng» (Portýgalııa) - KPRF (Reseı) komandalary kezdesedi.
