Fýtzaldan Chempıondar lıgasy: «Qaırattyń» elıtalyq satydaǵy qarsylastary anyqtaldy
NUR-SULTAN. QazAqparat - Fýtzaldan Chempıondar lıgasy elıtalyq raýndyndaǵy qazaqstandyq «Qaırat» komandasynyń qarsylastary anyqtaldy, dep habarlaıdy QazAqparat tilshisi.
Búgin Shveıtsarııanyń Non qalasynda fýtzaldan Chempıondar lıgasy elıtalyq satysynyń jerebesi tartyldy. Onda qazaqstandyq «Qaırat» komandasynyń qarsylastary belgili boldy.
Almatylyq klýb A tobynda synǵa túsedi. Qarsylastary - Reseıdiń «Tıýmen», Belarýstiń «VıtEn» jáne Frantsııanyń «Aner-Vılnev» komandalary.
Aıta ketsek, qazaqstandyq komanda «Tıýmen» klýbymen bıyl atalǵan týrnırdiń negizgi satysynda kezdesip, olarmen 3:3 esebimen teń tústi.
Al «Aner-Vılnev» jarystyń atalǵan satysynda qazaqstandyq «Atyraýdy» 6:0 esebimen jeńgen edi.
Ózge toptardaǵy komandalardyń bólinisi tómendegishe:
V toby: «Sportın» (Portýgalııa), «Hovokýbo» (Nıderlandy), «Olmıssým» (Horvatııa), «Sınara» (Reseı)
S toby: «Plzen» (Chehııa), «Dobovets» (Slovakııa), «Halle-Gooık» (Belgııa), «Barselona» (Ispanııa)
D toby: «Benfıka» (Portýgalııa), «Ýragan» (Ýkraına), «Haladash» (Vengrııa), «Levante» (Ispanııa).
Elıtalyq raýnd 30 qarasha men 5 jeltoqsan aralyǵynda ótkiziledi. Al fınaldyq raýndqa árbir toptyń jeńimpazy joldama alady. Fınaldyq oıyndar oǵan shyqqan komandanyń biriniń alańynda bolady. Bul oıyndar 2022 jyldyń 28 cáýiri men 1 mamyr aralyǵyna belgilengen.
«Qaırat» elıtalyq raýndta bıyl 15 márte baq synaıdy.
