Fýtzaldan Chempıondar lıgasy: «Qaırat» jarystyń kelesi satysyna shyqty
ASTANA. QazAqparat - Qazaqstandyq «Qaırat» fýtzaldan UEFA Chempıondar lıgasynyń negizgi satysyndaǵy úshinshi oıynyn ótkizdi, dep habarlaıdy QazAqparat tilshisi.
Qazaqstandyq klýb Frantsııanyń «Sportıng Parıj» komandasymen sheberlik baıqasty.
Oıyn barysynda «Qaırat» sapynan Dáýren Tursaǵulov 2-mınýtta esep ashsa, Kaıo Rýıs 24-mınýtta esepti ústemeleı tústi. Al Dıego Favero 29-mınýtta «Qaırattyń» basymdyǵyn arttyrdy. Esep - 3:0.
«Sportıng Parıj» komandasynan odan keıin Bolınıa 31-mınýtta gol soqsa, Fıneo 38-mınýtta esep aıyrmasyn qysqartty.
Nátıjesinde «Qaırat» frantsııalyq klýbtan 3:2 esebimen basym tústi.
Eske salsaq, budan buryn «Qaırat» qarsylastarymen 2:2 esebimen teń tústi.
Nátıjesinde úsh oıynnan bes upaı jınaǵan «Qaırat» týrnırdiń elıtalyq satysyna joldama aldy.
Aıta ketsek, «Qaırat» 2- topta ıspanııalyq «Palma», belgııalyq «Halle-Gooık», «Sportıng Parıj» komandalarymen sheberlik baıqasty.
Dál qazir qazaqstandyq taǵy bir komanda - rýdnyılyq «Aıat» Horvatııanyń «Pýla» komandasynan birinshi kezeńnen keıin 1:4 esebimen jeńilip jatyr.
