Fýtzaldan Chempıondar lıgasy: «Qaırat» jartylaı fınalǵa joldama aldy
NUR-SULTAN. QazAqparat - Búgin, 28 sáýirde fýtzaldan UEFA Chempıondar lıgasynyń shırek fınalynda Almatynyń Portýgalııanyń «Benfıka» komandasymen kezdesti, dep habarlaıdy QazAqparat tilshisi.
Atalǵan kezdesý tartysty ótti. Esepti alǵash bolyp qazaqstandyq klýb sapynan 16-mınýtta Gadeııa soqty. Kóp uzamaı «Benfıka» qatarynan Jezýsh Afonsý tarazy basyn teńestirdi.
Ekinshi kezeńniń 30-mınýtynda «Qaırat» quramynan Edson qaıtadan komandasyn alǵa shyǵardy. Al 34-mınýtynda portýgaldyq Tıagý Brıtý taǵy da esepti teńestirip ketti.
Negizgi kezeń 2:2 esebimen aıaqtalyp, oıyn overtaımǵa ulasty.
Overtaımnyń 44-mınýtynda qazaqstandyq Dáýren Tursaǵulov komandasyn alǵa shyǵarsa, 46-mınýtta taǵy bir qaırattyq Gadeııa mergendik tanytty. «Qaırat» sapynan Fernandıno 48-mınýtta esepti ulǵaıtsa, 49-mınýtta Birjan Orazov qorytyndy esepti belgiledi. Osylaısha «Qaırat» qarsylasyn 6:2 esebimen jeńiske jetip, jartylaı fınalǵa joldama aldy.
Endi olarǵa «Barselona» (Ispanııa) - «Dobovets» (Slovenııa) jubynyń jeńimpazy qarsylas atanady.
Sondaı-aq, shırek fınalda «Barselona» (Ispanııa) - «Dobovets» (Slovenııa) komandalarynan ózge «Inter» (Ispanııa) - «Gazprom-ıÝgra» (Reseı), «Sportıng» (Portýgalııa) - KPRF (Reseı) komandalary kezdesedi. Tórt juptaǵy segiz komanda 28 sáýir jáne 3 mamyr aralyǵynda Horvatııanyń Zadar qalasynda ótkiziledi.
