Fýtzaldan Chempıondar lıgasy: «Qaırat» jáne «Aıattyń» qarsylastary anyqtaldy
NUR-SULTAN. QazAqparat - Búgin Shveıtsarııannyń Non qalasynda fýtzaldan UEFA Chempıondar lıgasy elıtalyq satysy toptyq kezeńiniń jerebesi tartyldy, dep habarlaıdy QazAqparat tilshisi.
Esterińizge sala ketelik, atalmysh týrnırdiń elıtalyq satysyna Qazaqstan atynan Almatynyń «Qaıraty» men Rýdnyıdyń «Aıat» komandalary joldama alǵan bolatyn.
Búgin olardyń qarsylastary anyqtaldy.
«Qaırat» S tobynda Portýgalııanyń «Benfıka», Ispanııanyń «El-Poso» jáne Italııanyń «Pesaro» komandalarymen synǵa túsedi. Bul toptaǵy oıyndar Almaty qalasyndaǵy «Almaty-arena» stadıonynda bolady.
Al «Aıat» V tobynda Portýgalııanyń «Sportıng», Reseıdiń «Tıýmen» jáne Horvatııanyń «Novo Vrıeme» klýbtarymen sheberlik baıqasady. Bul toptaǵy komandalar Tıýmen qalasyna jınalady.
Oıyndar 19-24 qarasha kúnderi ótkiziledi.
