Fýtzaldan Chempıondar lıgasy: «Qaırat» týrnırdiń fınaldyq satysyna shyqty
NUR-SULTAN. QazAqparat - Fýtzaldan Almatynyń «Qaırat» komandasy UEFA Chempıondar lıgasynyń fınaldyq satysyna shyqty, dep habarlaıdy QazAqparat tilshisi.
Búgin qazaqstandyq klýb óz alańynda «ıÝnaıted Galats» klýbyn qabyldady. Kezdesýde «Qaırat» qarsylasynan basym oınady.
Birinshi kezeńde almatylyq komanda sapynan Ranjel 4, Savıo 12-mınýttarda mergendik tanytty. Ekinshi kezeńde de sol qarqynynan qaıtqan joq. Aldymen Fernandıno 23, Edson 29-mınýttarda esepti ústelemeı tústi. Al Shyńǵys Esenamanov 34-mınýtta dáldik tanytsa, oǵan «ıÝnaıted Galats» sapynan Andreı Krachon bir golmen jaýap qaıyrdy. Kezdesý núktesin 39-mınýtta qazaqstandyq fýtbolshy Birjan Orazov qoıdy. Osylaısha «Qaırat» qarsylasyn 6:1 esebimen jeńip, fınaldyq satyǵa joldama aldy.
Esterińizge sala ketelik, «Qaırat» týrnırdiń 1/16 fınalynda syrt alańda Belarýstiń «VıtEn» komandasyn 5:3 esebimen súrindirdi .
«Qaırat» atalǵan týrnırde 2012/2013, 2014/2015 jyldarda jeńimpaz atanǵan bolatyn. Bul ýaqytta týrnır UEFA kýbogy dep atalatyn.
Aıta keteıik, budan buryn atalǵan týrnırdiń 1/8 fınalynda qazaqstandyq «Aqtóbe» komandasy Slovenııanyń «Dobovets» klýbyna 1:2 esebimen jol berip, shırek fınaldan shet qaldy. Aqtóbelik fýtzalshylar 1/16 fınalda Grekııanyń AEK komandasyn jeńip ketken edi.