Fýtzaldan Chempıondar lıgasy: «Qaırat» pen «Aıat» alǵashqy oıynyn ótkizedi
ASTANA. QazAqparat - Qazaqstandyq «Qaırat» pen «Aıat» komandalary fýtzaldan UEFA Chempıondar lıgasynyń negizgi satysyndaǵy alǵashqy oıyndaryn ótkizedi, dep habarlaıdy QazAqparat tilshisi.
Jerebege sáıkes almatylyq «Qaırat» 1-topqa tústi. Onda qazaqstandyq klýb ıspanııalyq «Malorka», frantsııalyq «Sportıng Parıj» jáne belgııalyq «Anderleht» komandalarymen sheberlik baıqasady.
Qazaqstandyq komanda alǵashqy kezdesýinde belgııalyq «Anderleht» oınaıdy. Kezdesý Qazsport telearnasynan tikeleı efırde kórsetiledi.
Rýdnyılyq «Aıat» 2-topta portýgalııalyq «Sportıng», horvatııalyqtar «Novo Vreme» jáne «Pýla» komandalarymen synǵa túsedi.
«Aıat» birinshi oıynynda «Novo Vreme» komandasyna qarsy ótkizedi.
Negizgi kezeń matchtary 25-30 qazan aralyǵynda ótedi. Elıtalyq kezeńge ár toptan úzdik úsh komanda qatysady. Elıtalyq kezeń kezdesýleri 22-27 qarashaǵa josparlanǵan.
Eske salsaq, fýtzaldan Álem chempıonatyna irikteý: Qazaqstan Chernogorııany jeńdi.
Foto: ville-ronchin.fr
