Fýtzaldan Chempıondar lıgasy: «Qaırat» pen «Aıat» alǵashqy oıyndaryn ótkizdi
ASTANA. QazAqparat - Qazaqstandyq «Qaırat» pen «Aıat» komandalary fýtzaldan UEFA Chempıondar lıgasynyń negizgi satysyndaǵy alǵashqy oıyndaryn ótkizdi, dep habarlaıdy QazAqparat tilshisi.
Almatynyń «Qaıraty» óz alańynda belgııalyq «Halle-Gooık» klýbymen teń tústi.Kezdesý barysynda alań ıelerinen Rýıs Lavrattı men Dáýren Tursaǵulov gol soqty. Oǵan belgııalyq klýbtan Franko Elovıch pen Dıogo eki golmen jaýap qaıyrdy.
Sondaı-aq 2-topta rýdnyılyq «Aıat» Horvatııanyń «Novo Vreme» klýbymen 2:2 esebine qanaǵat bildirdi.
Almatylyq «Qaırat» 1-topta endi 27 qazanda ıspanııalyq «Malorka», 29 qazanda frantsııalyq «Sportıng Parıj» komandalarymen sheberlik baıqasady.
Oıyn barysynda rýdnyılyq komandadan 27-mınýtta Anton Ryndın «Aıatty» alǵa shyǵardy. Al 30-mınýtta Tonı Elavıch tarazy basyn teńestirse, 32-mınýtta Leandro qazaqstandyq klýbtyń basymdyǵyn taǵy arttyrdy. 36-mınýtta «Aıat» oıynshysy Azat Valıýllın óz qaqpasyna gol soǵyp aldy.
Rýdnyılyq «Aıat» 2-topta endi 27 qazanda portýgalııalyq «Sportıng», 29 qazanda Horvatııanyń «Pýla» komandalarymen sheberlik baıqasady.
Negizgi kezeń matchtary 25-30 qazan aralyǵynda ótedi. Elıtalyq kezeńge ár toptan úzdik úsh komanda qatysady. Bul kezeńniń kezdesýleri 22-27 qarashaǵa josparlanǵan.
