Fýtzaldan Chempıondar lıgasy: «Qaırat» pen «Aqtóbe» jarysty jalǵastyra ala ma
NUR-SULTAN. QazAqparat - Búgin, 16 qańtarda fýtzaldan UEFA Chempıondar lıgasynda qazaqstandyq «Qaırat» jáne «Aqtóbe» 1/16 fınaldyq oıynyn ótkizedi, dep habarlaıdy QazAqparat tilshisi.
Esterińizge sala ketelik, eki komanda da qarsylastarymen syrt alańda kezdesedi.
«Qaırat» Belarýste «VıtEn» (Orsha) klýbymen sheberlik baıqassa, «Aqtóbe» Grekııada AEK (Afıny) klýbymen oınaıdy.
«Qaırat» atalǵan týrnırde 2012/2013, 2014/2015 jyldarda jeńimpaz atanǵan bolatyn.
Bul ýaqytta týrnır UEFA kýbogy dep atalatyn. Onyń qarsylasy «VıtEn» ázirge mundaı jetistikti baǵyndyrǵan joq. Óz elinde tórt márte chempıon atandy.
Eki komanda budan buryn 2013/14 jylǵy kezeńde UEFA Chempıondar lıgasynyń elıtalyq satysynda Almaty qalasynda kezdesti.
Bul joly almatylyq fýtzalshylar qarsylasyn 9:0 esebimen tize búktirdi.
«Qaırat» pen «VıtEn» komandalary arasyndaǵy kezdesý 17.00-de bastalady. Oıyn Qazsport telearnasynan tikeleı efırde kórsetiledi.
Al «Aqtóbe» men AEK komandalary ázirge mundaı tabystarǵa qol jetkize qoıǵan joq.
Bul komandalar arasyndaǵy kezdesý elorda ýaqytymen 19.00-de bastalady.
