Fýtzaldan chempıondar lıgasy: «Qaırat» chehııalyq klýbtan jeńilip qaldy
ASTANA. QazAqparat - Fýtzaldan chempıondar lıgasynyń elıtalyq satysynda qazaqstandyq «Qaırat» Chehııanyń «Hrýdım» komandasymen kezdesti, dep habarlaıdy QazAqparat tilshisi.
Kezdesý barysynda almatylyq komanda birinshi kezeńde esep ashýǵa tyrysty. Soǵan qaramastan gol soǵa alǵan joq.
Ekinshi kezeńde sol basymdyqty arttyrýǵa kúsh salǵan edi. Degenmen chehııalyq fýtbolshylar gol salyp ketti.
Oıynnyń 22-mınýtynda Marko Radovanovıch esep ashsa, 24-mınýtta Mateýs Torres esepti ústemeleı tústi.
«Qaırat» sapynan Rafael Vılela 38-mınýtta esep aıyrmasyn qysqartty.
Kezdesýde almatylyq klýb qarsylasyna 1:2 esebimen jol berdi. Osylaısha olar jarysty jalǵastyrý múmkindiginen aıyryldy.
Sondaı-aq, búgin atalǵan toptaǵy Portýgalııanyń «Benfıkasy» Maltanyń «Lıýksol Sent-Endrıýsyn» 6:0 esebimen jeńdi.
Endi «Qaırat» 26 qarashada «Benfıkamen» sheberlik baıqasady.
Alǵashqy týrda «Qaırat» «Lıýksol Sent-Endrıýs» komandasymen 0:0, «Hrýdım» «Benfıka» klýbymen 3.3 esebimen teń oınady.
Árbir toptyń jeńimpazy týrnırdiń bas júldesin sarapqa salatyn tórt komanda qataryna qosylady.
Foto: afckairat.kz
