Fýtzaldan Chempıondar lıgasy: «Qaırat» «Benfıkadan» jeńilip qaldy
ASTANA. QazAqparat - Fýtzaldan Chempıondar lıgasynyń elıtalyq satysynda qazaqstandyq «Qaırat» Portýgalııanyń «Benfıka» komandasymen kezdesti, dep habarlaıdy QazAqparat tilshisi.
Alǵashqy eki oıynda almatylyq klýb nebári bir upaı jınady. Aldymen Maltanyń «Lıýksol Sent-Endrıýs» klýbymen 0:0 esebimen teń tússe, odan keıin Chehııanyń «Hrýdım» komandasyna 1:2 esebimen jol berdi.
Saldarynan «Qaırat» jarysty jalǵastyrý múmkindiginen aıyryldy.
Dese búgingi oıynda olar «Benfıkanyń» osal tusyn tabýǵa tyrysatyn edi. Bul jankúıerler aldyndaǵy basty mindeti bolatyn.
Kezdesý barysynda komandalar alma-kezek shabýylǵa kóńil bóldi. Nátıjesinde 6-mınýtta Albert Aqbalyqov «Qaıratty» alǵa shyǵardy. Birinshi kezeńde budan basqa gol soǵylǵan joq.
Ekinshi kezeńde portýgaldyq komanda tarazy basyn teńestirýge umtylǵan edi. Oıynnyń 24-mınýtynda Romýlo kózdegen nysanadan múlt ketpese, 39-mınýtta Artýr «Benfıkany» alǵa shyǵardy.
Osylaısha «Qaırat» qarsylasyna 1:2 esebimen jol berdi.
Sondaı-aq, atalǵan topta «Lıýksol Sent-Endrıýs» pen «Hrýdım» komandalary 2:2 esebimen teń oınady.
Atalǵan topta 7 upaımen «Benfıka» týrnırdiń fınaldyq satysyna joldama aldy. Al «Qaırat» nebári bir upaımen tórtinshi oryndy mise tutty.
