Fýtzaldan Chempıondar lıgasy: «Aıat» horvatııalyq komandadan jeńildi
ASTANA. QazAqparat - Qazaqstandyq «Aıat» fýtzaldan UEFA Chempıondar lıgasynyń negizgi satysyndaǵy úshinshi oıynyn ótkizdi, dep habarlaıdy QazAqparat tilshisi.
Bul joly qazaqstandyq komanda Horvatııanyń «Pýla» klýbymen kezdesti.
Kezdesýdi qazaqstandyq fýtzalshylar sátsiz bastaldy. Horvatııa komandasy qatarynan úsh gol soǵyp ketti. Oıynnyń 19-mınýtynda «Aıat» sapynan Azat Valıýllın esep aıyrmasyn qysqartqan edi. Odan keıin horvatııalyq komanda taǵy bir gol engizdi.
Ekinshi kezeńdi «Aıat» oıynshylary qarqyndy bastady. Nátıjesinde Leandro 24-mınýtta gol soqsa, 26-mınýtta «Pýla» komandasy oǵan bir golmen jaýap qaıyrdy.
Osylaısha «Aıat» qarsylasynan 2:5 esebimen jeńilip, jarysty jalǵastyrýdan tys qaldy.
Eske salsaq, budan buryn Horvatııanyń «Novo Vreme» klýbymen 2:2 esebimen teń tússe, odan keıin Portýgalııanyń «Sportıng» klýbyna 1:7 esebimen jol berdi.
Al Almatynyń «Qaıraty» týrnırdiń elıtaly satysyna joldama aldy.
