Fýtzaldan Chempıondar lıgasy: «Aıat» ekinshi oıynda qarsylasyna ese jiberdi
ASTANA. QazAqparat - Qazaqstandyq «Aıat» fýtzaldan UEFA Chempıondar lıgasynyń negizgi satysyndaǵy ekinshi oıynyn ótkizdi, dep habarlaıdy QazAqparat tilshisi.
Ekinshi topta synǵa túsip jatqan rýdnyılyq komanda Portýgalııanyń «Sportıng» klýbymen sheberlik baıqasty.
Birinshi kezeńde portýgalııalyq komandadan Dıego Kavınato - 3, Paýleta - 4, 6, Erık - 15, Neves 19-mınýttarda gol soqsa, oǵan qazaqstandyq Azat Valıýllın 7-mınýtta bir golmen jaýap qaıyrdy.
Ekinshi kezeńde qarsylas komanda sapynan Neves - 33, Mıgel Anjelo 37-mınýttarda mergendik tanytty.
Osylaısha rýdnyılyq komanda qarsylasyna 1:7 esebimen jol berdi.
Endi «Aıat» úshinshi kezdesýinde 29 qazanda Horvatııanyń «Pýla» komandasymen sheberlik baıqasady.
Eske salsaq, «Aıat» budan buryn Horvatııanyń «Novo Vreme» klýbymen 2:2 esebimen teń tústi.
Sondaı-aq almatylyq «Qaırat» alǵashqy eki kezdesýinde qarsylastarymen teń oınady .
