Fýtzaldan Chempıondar lıgasy: «Atyraý» «Dobovetske» ese jiberdi
NUR-SULTAN. QazAqparat - Búgin fýtzaldan UEFA Chempıondar lıgasy negizgi satysynda «Atyraý» alǵashqy oıyndaryn ótkizdi, dep habarlaıdy QazAqparat tilshisi.
Qazaqstandyq komanda slovenııalyq «Dobovets» komandasymen sheberlik baıqasty.
Qarsylastar birden-aq shabýyl shebine shyqty. Degenmen kózdegen nysanadan múlt ketti. Nátıjesinde birinshi kezeńde tablodaǵy esepke ózgeris engen joq.
Ekinshi kezeń de dál osyndaı jaǵdaıda órbidi. Eki komandanyń gol soǵatyn múmkindigi bolǵan edi. Oıynnyń 29-mınýtynda slovenııalyq Klemen Dýshchak esep ashty. Budan keıin qazaqstandyq komanda qaqpashyny besinshi oıynshyǵa almastyrǵan edi. Dese de olardyń qateligin slovenııalyq Krıstıan Chýets 34-mınýtta bos turǵan qaqpaǵa gol soǵyp ketti. Qazaqstandyq komandadan 37-mınýtta Erık kózdegen nysanadan múlt ketken joq.
Kezdesýde «Atyraý» qarsylasyna 1:2 esebimen jol berdi.
«Atyraý» ekinshi topta synǵa túsedi. Qarsylastary - Slovenııanyń «Dobovets», Portýgalııanyń «Sportıng» jáne Frantsııanyń «Aner Vılnev 92» komandalary.
Atalǵan topta búgin Portýgalııanyń «Sportıng» jáne Frantsııanyń «Aner Vılnev 92» komandasynan 4:3 esebimen basym tústi.
Endi atyraýlyqtar 28 qazanda «Sportıngpen» kezdesedi.
Sondaı-aq, búgin Almatynyń «Qaıraty» Chehııanyń «Plzen» komandasymen 3:3 esebimen teń oınady.
