Fýtzaldan Chempıondar lıgasy: «Aqtóbe» jarysty jalǵastyra almaıdy
NUR-SULTAN. QazAqparat - Qazaqstandyq «Aqtóbe» komandasy fýtzaldan UEFA Chempıondar lıgasy 1/4 fınalyna shyǵa alǵan joq, dep habarlaıdy QazAqparat tilshisi.
Búgin Almaty qalasyndaǵy «Nur-Aman» sport kesheninde ótken 1/4 fınaldyq oıynda «Aqtóbe» Slovenııanyń «Dobovets» komandasynan 1:2 esebimen jeńilip qaldy.
Oıyn barysynda alǵashqy goldy «Aqtóbe» sapynan Vıtao Olıveıra soqqan bolatyn. Odan keıin qazaqstandyq klýb qarsylasynan eki gol jiberip aldy. «Dobovets» sapynan Vedran Matoshevıch pen Klemen Dýshchak 21 jáne 24-mınýttarda qos gol soǵyp, slovenııalyq klýb jarysty jalǵastyrýǵa múmkindik aldy.
Esterińizge sala ketelik, budan buryn atalǵan týrnırdiń 1/16 fınaldyq satysynda «Aqtóbe» Grekııanyń AEK komandasyn jeńdi.
Aıta keteıik, endi «Qaırat» Chempıondar lıgasy 1/4 fınalynda 21 aqpanda óz alańynda «ıÝnaıted Galats» komandasyn qabyldaıdy.
