Fýtzaldan Chempıondar lıgasy: «Aqtóbe» grek komandasyn jeńdi
NUR-SULTAN. QazAqparat - Búgin fýtzaldan UEFA Chempıondar lıgasynda qazaqstandyq «Aqtóbe» de jarystyń 1/8 fınalyna shyqty, dep habarlaıdy QazAqparat tilshisi.
«Aqtóbe» týrnırdiń 1/16 fınaldyq satysynda syrt alańda Grekııanyń AEK komandasymen oınady.
Kezdesý barysynda qazaqstandyq klýb jınaqy qımylymen kózge tústi. Esepti aqtóbelik Bekjan Dáýletov 17-mınýtta ashty. Oǵan 18-mınýtta grekııalyq Tkıs Gýsıs bir golmen jaýap qaıyrdy. Birinshi kezeńde komandalar 1:1 esebine qanaǵat bildirdi.
Ekinshi kezeńde «Aqtóbe» sapynan Ýgo Sılva Olıveıra 22, Dmıtrıı Klochko 28, Ashat Qulbaev 32-mınýttarda mergendigimen kózge tústi. Budan keıin alań ıelerinen Kostas Paný esep aıyrmasyn qysqartqan edi. Qorytyndy esepti 36-mınýtta qazaqstandyq Nurbek Qaraǵulov belgiledi.
Osylaısha «Aqtóbe» 5:2 esebimen jeńiske jetip, týrnırdiń kelesi satysyna joldama aldy. Ereje boıynsha jeńimpaz bir ǵana oıyn nátıjesimen anyqtaldy.
Esterińizge sala ketelik, budan buryn qazaqstandyq «Qaırat» syrt alańda Belarýstiń «VıtEn» komandasynan basym túsip, jarystyń jalǵastyratyn boldy.
