Fýtzaldan Chempıondar lıgasynyń elıtalyq kezeńine ózgerister engizildi

ASTANA. KAZINFORM - Fýtzaldan UEFA Chempıondar lıgasy 2025/2026 jylǵy maýsymynda komandalar elıtalyq kezeńde qandaı erejemen túsetini belgili boldy.

Jarystyń atalǵan satysynda 16 komanda segiz jupqa bólinedi. Komandalar óz alańynda jáne syrt alańda bir-bir kezdesýden ótkizedi. Bul oıyndar 2025 jyldyń 24 qarasha-6 jeltoqsan aralyǵyna belgilengen.

Odan keıin 2026 jyldyń 23 aqpany men 6 naýryzy aralyǵynda komandalar sol ereje boıynsha shırek fınalda synǵa túsedi. 

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.

Aıta ketsek, elıtalyq kezeńge elimizdiń atynan almatylyq «Qaırat» pen «Semeı» komandalary joldama aldy. 

Almatylyq «Qaırat» klýby Kosovonyń «Prıshtına» komandasyn 4:1, horvatııalyq «Novo Vrıemeni» 3:2 esebimen tize búktirse, Portýgalııanyń «Sportıngten» 2:7 esebimen jeńilip qaldy. 

Al úshinshi topta synǵa túsken semeılik komanda Chehııanyń «Hrýdımin» 9:5 esebimen jeńse, frantsııalyq «Etýalǵa» 3:4, ıspanııalyq «Palmaǵa» 4:7 esebimen ese jiberip qoıdy.