Fýtzaldan Chempıondar lıgasy «Tórttiktiń fınalyna» kimder shyqty

ASTANA. KAZINFORM - Fýtzaldan UEFA Chempıondar lıgasynyń «Tórttiktiń fınaly» týrnırine joldama alǵan komandalar belgili boldy.

Bul týrnırdiń 1/4 fınalynda jeńimpaz atanǵan tórt klýb endi bas júldeni sarapqa salýǵa múmkindik alady.

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.

Chempıondar lıgasy 1/4 fınalynda qazaqstandyq «Semeı» Frantsııanyń «Etýal» (4:5, 2:3), «Qaırat» (Almaty) ıspanııalyq «Kartahena» (1:2, 4:7) klýbtaryna ese jiberdi.

Sondaı-aq Ispanııanyń «Palma» Latvııanyń «Rıga» (7:4, 0:1), Portýgalııanyń «Sportıngi» sol eldiń taǵy bir ókili «Benfıkany» (7:4, 3:4) qapy qaldyryp ketti.

Bıylǵy 2025/2026 jylǵy maýsymda komandalar elıtalyq kezeńde jańartylǵan erejemen synǵa tústi.

Jarystyń atalǵan satysynda 16 komanda segiz jupqa bólindi. Komandalar óz alańynda jáne syrt alańda bir-bir kezdesýden ótkizdi. Bul oıyndar 2025 jyldyń 24 qarasha-6 jeltoqsan aralyǵyna belgilengen.