Fýtzaldan Chempıondar lıgasy: «Semeı» polshalyq «Pıastpen» teń tústi

ASTANA. KAZINFORM — Qazaqstandyq «Semeı» UEFA Chempıondar lıgasy elıtalyq kezeńindegi alǵashqy oıynyn ótkizdi.

Semeılik komanda 1/8 fınalda óz alańynda Polshanyń «Pıast» komandasyn qabyldady. 
Kezdesý barysynda 4-mınýtta qazaqstandyq klýbtan Dedezıno esep ashsa, 21-mınýtta Kamıl Gereıhanov basymdyqty arttyrdy.

Odan keıin Dedezıno 34-mınýtta taǵy bir márte kózge tússe, polshalyq komanda sapynan Vınısıýs Teısheıra 35, 36, Brýno Grasa 39-mınýtta mergendik tanytty.

Osylaısha komandalar 3:3 eesbine qanaǵat bildirdi.

Endi qarymta kezdesý 5 jeltoqsanda syrt alańda ótkizedi. 

Bul týrnırdiń negizgi kezeńinde úshinshi topta synǵa túsken semeılik komanda Chehııanyń «Hrýdımin» 9:5 esebimen jeńse, frantsııalyq «Etýalǵa» 3:4, ıspanııalyq «Palmaǵa» 4:7 esebimen ese jiberip qoıdy.

Sondaı-aq búgin saǵat 00:00–de almatylyq fýtbolshylar syrt alańda Belgııanyń «Anderleht» klýbymen sheberlik baıqasady.

Almatylyq klýb tórtinshi topta Kosovonyń «Prıshtına» komandasyn 4:1, horvatııalyq «Novo Vrıemeni» 3:2 esebimen tize búktirse, Portýgalııanyń «Sportıngten» 2:7 esebimen jeńilip qaldy.

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.