Fýtzaldan Chempıondar lıgasy: «Semeı» men «Qaırat» alǵashqy oıyndaryn ótkizedi

ASTANA. KAZINFORM - Búgin fýtzaldan ÝEFA Chempıondar lıgasy negizgi kezeńinde Abaı oblysynyń «Semeı» jáne almatylyq «Qaırat» alǵashqy oıyndaryn ótkizedi.

Qazaqstandyq klýbtar tórtinshi topta synǵa túsedi. Qarsylastary - Portýgalııanyń «Sportıng Lıssabon», Vengrııanyń «Haladash» klýbtary. 

Búgin el chempıony «Semeı» 17:00-de «Sportıng Lıssabon» klýbymen sheberlik baıqassa, «Qaırat» 20:00-de «Haladashpen» oınaıdy.

Al 23 qazanda 20:00-de «Qaırat» pen «Semeı» ózara kezdesse, taǵy bir kezdesýde «Sportıng Lıssabon» men «Haladash» oınaıdy. 

Sondaı-aq 25 qazanda 17:00-de «Semeı» men «Haladash», 20:00-de «Qaırat» pen «Sportıng Lıssabon» kezdesedi. 

Qazaqstandyq klýbtardyń qatysýymen ótken oıyndardyń barlyǵy «Qazsport» telearnasynan tikeleı efırde kórsetiledi.

Aıta ketsek, atalǵan týrnırge semeılik klýb alǵash ret qatysyp jatsa, almatylyq komanda buǵan deıin 20 márte baq synap úlgerdi. Bul Eýropa qurlyǵyndaǵy komandalar arasynda absolıýtti rekordty tirkedi.

«Qaırat» 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.
Oıyndar Almaty qalasyndaǵy Balýan Sholaq sport saraıynda ótedi.

Eske salsaq, budan buryn «Qaırat» fýtzaldan 2024 jylǵy Qazaqstan sýperkýbogynyń ıegeri atandy.