Fýtzaldan Chempıondar lıgasy: «Qaırat» óz alańynda «Kartahenaǵa» ese jiberdi

ASTANA. KAZINFORM – Fýtzaldan UEFA Chempıondar lıgasynyń 1/4 fınaldyq kezeńinde qazaqstandyq «Qaırat» (Almaty) komandasy alǵashqy oıynyn óz alańynda Ispanııanyń «Kartahenasyna» qarsy ótkizdi.

Oıyn barysynda qazaqstandyq klýb alǵashqy bolyp esep ashty. Kezdesýdegi birinshi goldy 21-mınýtta «Qaırat» qaqpashysy Vanderson Sılva óz enshisine jazdy. Oǵan ıspanııalyq komanda eki golmen jaýap qaıyrdy. Osylaısha almatylyq klýb qarsylasyna 1:2 esebimen ese jiberdi.

Endi 00:30-da «Semeı» klýby syrt alańda Frantsııanyń «Nıtstsa» klýbymen sheberlik baıqasady. Oıyn «Qazsport» telearnasynan tikeleı efırde kórsetiledi. 

Bıyl fýtzaldan Chempıondar lıgasynyń elıtalyq kezeńine ózgerister engizildi. Jarystyń atalǵan satysynda 16 komanda segiz jupqa bólindi. Komandalar 2025 jyldyń 24 qarasha-6 jeltoqsan aralyǵynda óz alańynda jáne syrt alańda bir-bir kezdesýden ótkizdi.

Endi 2026 jyldyń 23 aqpany men 6 naýryzy aralyǵynda komandalar sol ereje boıynsha shırek fınalda synǵa túsedi. Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.

Buǵan deıin «Qaırat» pen «Semeı» komandalarynyń fýtzaldan Chempıondar lıgasynyń 1/4 fınalyndaǵy alǵashqy oıynyn ótkizetinin jazǵanbyz.