Fýtzaldan Chempıondar lıgasy: «Qaırat» kosovolyq «Prıshtına» komandasyn jeńdi

ASTANA. KAZINFORM - Qazaqstandyq «Qaırat» UEFA Chempıondar lıgasynyń negizgi kezeńin jeńispen aıaqtady.Qazaqstandyq klýb úshinshi týrda Kosovonyń «Prıshtına» komandasymen kezdesti.

Oıyn barysynda almatylyq klýbtan Birjan Orazov 6-mınýtta esep ashsa, odan keıin Kevın Arreta 17-mınýtta basymdyqty arttyrdy. Al 22-mınýtta «Qaırat» sapynan Romýlo óz qaqpasyna gol soǵyp aldy. Odan keıin almatylyq komandadan Birjan Orazov 30-mınýtta taǵy bir márte mergendik tanytsa, Olıveıra Da Sılva 34-mınýtta qorytyndy esepti belgiledi.
Osylaısha almatylyq klýb qarsylasynan 4:1 esebimen basym tústi.

Búgin tórtinshi topta «Sportıng» (Portýgalııa) men «Novo Vrıeme» (Horvatııa) sheberlik baıqasady.

Alǵashqy eki týrda almatylyq komanda horvatııalyq «Novo Vrıemeni» 3:2 esebimen jeńse, odan keıin Portýgalııanyń «Sportıngten» 2:7 esebimen jeńilip qaldy.

Bul kezeńde qazaqstandyq komanda óz tobynda 6 upaımen ekinshi oryn aldy.

Sondaı-aq úshinshi topta «Semeı» Ispanııanyń «Palma» klýbymen oınaıdy. Kezdesý Qazaqstan ýaqytymen 23:30-de bastalady.

Qazirge deıin semeılik komanda Chehııanyń «Hrýdımin» 9:5 esebimen jeńse, frantsııalyq «Etýalǵa» 3:4 esebimen ese jiberip qoıdy.

Buǵan deıin «Qaırat» pen «Semeı» búgin úshinshi oıyndaryn ótkizetinin jazǵanbyz.