Fýtzaldan Chempıondar lıgasy: «Qaırat» «Dobovetsti» 7:0 esebimen jeńdi

«Qaırat» fýtzal komandasy búgin Chempıondar lıgasy elıtalyq satysyndaǵy ekinshi oıynyn Slovenııanyń «Dobovets» komandasyna qarsy ótkizdi, dep habarlaıdy Kazinform.

Qazaqstandyq komanda Kosovonyń Prıshtına qalasynda V tobynda synǵa tústi. Qarsylastary – «Benfıka» (Portýgalııa), «Dobovets» (Slovenııa) men «Prıshtına» (Kosovo).

Búgingi kezdesýde qazaqstandyq klýb jınaqy oıyn kórsetti. Oıynnyń 3-mınýtynda slovenııalyq qorǵaýshy óziniń qaqpasyna gol soǵyp aldy. Odan keıin «Qaırat» sapynan Kaıo Rýıs – 15, Dýglas Jýnıor 17-mınýtta esepti ústemeleı tústi.

Ekinshi kezeńde qazaqstandyq komanda sol basymdyqty arttyrdy. Nátıjesinde Aleks Vıana – 22 jáne 40, Birjan Orazov – 23, Albert Aqbalyqov 28-mınýtta mergendik tanytty.

Osylaısha «Qaırat» qarsylasynan 7:0 esebimen basym tústi.

Aıta ketsek, qazaqstandyq ujym qazirge deıin «Benfıkadan» 2:3 esebimen jeńilse, «Prıshtınany» 11:2 esebimen súrindirdi.

Týrnır kestesinde «Benfıka» men «Qaırat» komandalarynda alty upaıdan bar. Ózara kezdesýinde jeńiske jetken portýgalııalyq klýb «Tórteýdiń fınal» satysyna joldama aldy.

Qazaqstandyq komanda Chempıondar lıgasynda bıyl qańtar aıynda 20 márte baq synady. Bul Eýropa qurlyǵyndaǵy komandalar arasynda absolıýtti rekordty tirkedi.

Sondaı-aq almatylyq klýb 2012/2013, 2014/2015 jyldarda atalǵan týrnırde jeńimpaz atanǵan edi.