Fýtzaldan Chempıondar lıgasy: «Qaırat» Kosovonyń «Prıshtına» komandasymen kezdesedi

Fýtzaldan «Qaırat» komandasy búgin Chempıondar lıgasy elıtalyq satysyndaǵy alǵashqy oıynyn ótkizedi, dep habarlaıdy Kazinform.

Qazaqstandyq komanda V tobynda «Benfıka» (Portýgalııa), «Dobovets» (Slovenııa) men «Prıshtına» (Kosovo) komandalarymen kezdesedi. Oıyndar Kosovonyń Prıshtına qalasyndaǵy Jastar saraıynda 29 qarasha men 2 jeltoqsan aralyǵynda ótkiziledi.

Almatylyq klýb 29 qarasha elorda ýaqytymen 1:00-de Kosovonyń «Prıshtına» klýbymen sheberlik baıqasady.

Al 30 qarashada 22:00-de Portýgalııanyń «Benfıka», 2 jeltoqsanda Slovakııanyń «Dobovets» klýbymen oınaıdy.

Elıtalyq satysynda árbir topta jeńimpaz bolǵan komandalar «Tórteýdiń fınaly» satysyna joldama alady. Jarystyń atalǵan satysynda Chempıondar lıgasynyń jeńimpazy anyqtalady.

Qazaqstandyq komanda Chempıondar lıgasynda bıyl qańtar aıynda 20 márte baq synady. Bul Eýropa qurlyǵyndaǵy komandalar arasynda absolıýtti rekordty tirkedi.

Sondaı-aq, almatylyq klýb 2012/2013, 2014/2015 jyldarda atalǵan týrnırde jeńimpaz atanǵan edi.

Aıta ketsek, negizgi satysynda almatylyq Ispanııanyń «Palma» (34), Vengrııanyń «Haladash» (2:2) jáne Lıýksembýrgtiń «Dıfferdanj» (4:2) komandalarymen kezdesip, ekinshi oryn aldy.