Fýtzaldan chempıondar lıgasy: «Qaırat» alǵashqy oıynynda «Haladashty» jeńdi

ASTANA. KAZINFORM — Búgin fýtzaldan ÝEFA Chempıondar lıgasy negizgi kezeńiniń alǵashqy kezdesýinde almatylyq «Qaırat» Vengrııanyń «Haladash» komandasynan basym tústi.

Kezdesý barysynda almatylyq klýb jınaqy oıyn kórsetti. Olardyń qatarynan Neves de Lıma 7, Edson Santos 10-mınýtta mergendik tanytty.
Ekinshi kezeńde Kevın Arrıeta 28-mınýtta esepti ústemelese, qaqpashy Dennıs ashyq turǵan qaqpaǵa gol soqty.
Osylaısha «Qaırat» qarsylasynan 4:0 esebimen basym tústi.
Endi qazaqstandyq komanda 23 qazanda Semeıdiń «Elimaı» klýbymen sheberlik baıqassa, 25 qazanda Portýgalııanyń «Sportıng Lıssabon» klýbymen kezdesedi.
Atalǵan týrnırde almatylyq komanda buǵan deıin 20 márte baq synap úlgerdi. Bul Eýropa qurlyǵyndaǵy komandalar arasynda absolıýtti rekordty tirkedi.
«Qaırat» 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.
Eske salsaq, budan buryn Abaı oblysynyń «Semeıi» Portýgalııanyń «Sportıng Lıssabon» klýbyna 4:6 esebimen jol berdi.