Fýtzaldan Chempıondar lıgasy: «Qaırat» aldaǵy oıyndarǵa qatysatyn quramyn jarııalady

Qazaqstandyq «Qaırat» fýtzal klýby Chempıondar lıgasy negizgi satysyndaǵy oıyndaryna qatysatyn quramyn jarııalady, dep habarlaıdy Kazinform.

Komandanyń bas bapkeri qyzmetin atqaratyn ıspanııalyq maman Marlon Velasko oǵan qatysatyn oıynshylardyń esimin atady.

Olardyń qatarynda qaqpashylar Dennıs, Igıta, Narýn Serikov, oıynshylar Edson, Jahangır Rashıt, Dener, Albert Aqbalyqov, Pedro, Dıego, Dáýren Tursaǵulov, Dýglas Jýnıor, Birjan Orazov, Damır Qaıyrbaı, Kaıo Rýız, Igor Shýshý, Aleks Vıana Alısson bar.

Qazaqstandyq komanda úshinshi topta synǵa túsedi.

Qarsylastary — «Malorka Palma» (Ispanııa), «Haladash» (Vengrııa), «Dıfferdanj 03» (Lıýksembýrg).

Bul toptaǵy oıyndar 26-29 qazan aralyǵynda Palma de Malorke qalasynda bolady.

Sondaı-aq, elimizidń atynan rýdnyılyq «Aıat» birinshi topta baq synaıdy.

Qarsylastary — Portýgalııanyń «Sportıng», Horvatııanyń «Olmıssým» jáne Ýkraınanyń «Hıt» komandalary.

Oıyndar «Olmıssýmnyń» alańynda bıylǵy jyldyń 25-29 qazan aralyǵynda ótkiziledi.

Ár toptan alǵashqy úsh oryndaǵy komandalar elıtalyq satysyna joldama alady.

Elıtalyq satysynyń oıyndary bıylǵy jyldyń 28 qarasha men 3 jeltoqsany aralyǵynda ótkiziledi.