Fýtzaldan Chempıondar lıgasy fınalyndaǵy «Qaırattyń» qarsylasy anyqtaldy

ASTANA. KAZINFORM - Almatylyq «Qaırat» komandasynyń fýtzaldan Chempıondar lıgasynyń fınaldyq kezeńindegi qarsylasy belgili boldy.

Tórttiktiń fınaly dep atalyp ketken jarys satysynda ol jartylaı fınalda Ispanııanyń «Kartahena» komandasymen sheberlik baıqasady. Jeńgen jaǵdaıda «Palma» (Ispanııa) jáne «Sportıng» (Portýgalııa) jubynyń jeńimpazymen kezdesedi.

Jartylaı fınal oıyndary 2-shi mamyrda ótedi. Al fınal 4 mamyrǵa belgilengen.

Almatylyq komanda buǵan deıin 20 márte baq synap úlgerdi. Bul Eýropa qurlyǵyndaǵy komandalar arasynda absolıýtti rekordty tirkedi.

«Qaırat» 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen.

Eske salsaq, budan buryn olar Horvatııa astanasy Zagreb qalasynda Chempıondar lıgasynyń elıtalyq kezeńinde horvatııalyq «Fýtzal Dınamony» 5:1, «Olmıssýmdy» 1:0. slovakııalyq «Mımel Lýchenetsti» 4:2 esebimen tize búktirdi.