Fýtzaldan Chempıondar lıgasy: «Aıat» horvatııalyq «Olmıssýmnan» jeńildi

Qazaqstandyq «Aıat» fýtzal klýby búgin fýtzaldan Chempıondar lıgasy negizgi satysynda alǵashqy oıynda jeńildi, dep habarlaıdy Kazinform. 

Qazaqstandyq klýb birinshi topta oınaıdy. Qarsylastary – Portýgalııanyń «Sportıng», Horvatııanyń «Olmıssým» jáne Ýkraınanyń «Hıt» komandalary.

Búgin «Aıat» alǵashqy oıynyn «Olmıssým» komandasyna qarsy ótkizdi.

Kezdesý barysynda komandalar alma-kezek shabýylǵa kóńil bóldi. Degenmen birinshi kezeńniń sońyna deıin tablodaǵy esepke ózgeris engen joq. Sońǵy mınýtta horvatııalyq klýb oıynshylary bir gol engizdi.

Ekinshi kezeńde komandalar eki-ekiden gol soqty.

Osylaısha «Aıat» 2:3 esebimen ese jiberdi.

Endi olar 26 qazanda «Sportıngpen», 28 qazanda «Hıt» klýbymen kezdesedi.

Sondaı-aq Almatynyń «Qaıraty» úshinshi topta synǵa túsedi.

Qarsylastary – «Malorka Palma» (Ispanııa), «Haladash» (Vengrııa), «Dıfferdanj 03» (Lıýksembýrg).

Bul toptaǵy oıyndar 26-29 qazan aralyǵynda Palma de Malorke qalasynda bolady.