Fýtzaldan áıelder arasyndaǵy el kýboginiń tuńǵysh jeńimpazy anyqtaldy

ASTANA.KAZINFORM - Almaty qalasynda áıelder arasynda tuńǵysh ret uıymdastyrylǵan Qazaqstan kýbogi aıaqtaldy.

Bul týrnırge elimizdiń kóptegen óńirinen kelgen 12 komanda qatysty. Jarys qorytyndysy boıynsha Qyzylorda Korkyt Ata University komandasy úzdik nátıje kórsetti. Qyzylordalyq arýlar fınalda Shymkent qalasyndaǵy Dostyk University komandasyn 2:1 esebimen tize búktirdi. Osylaısha áıelder arasyndaǵy qyzylordalyq klýb Qazaqstan kýboginiń alǵashqy ıegeri boldy.

Al Almatynyń «Qaırat» komandasy men «Aqtóbe» ujymy qola júldeni sarapqa saldy. Nátıjesinde almatylyqtar 5:1 esebimen jeńiske jetti.

Aıta ketsek, budan buryn qazaqstandyq «Qaırat» komandasy halyqaralyq Futsal Planet premııasyna úmitker retinde usynyldy.