Fýtzaldan álem chempıondary Panamanyń qaqpasyna 10 gol saldy

ASTANA. KAZINFORM — Keshe, 16 qyrkúıekte Ózbekstanda ótip jatqan fýtzaldan álem chempıonatynda alǵashqy týr oıyndary máresine jetti.

Bul kúni 2021 jyly álem chempıony Portýgalııa Panama quramasyn 10:1 esebimen jeńip, E tobynda týrnır kestesinde birinshi orynǵa taban tiredi. 

Atalǵan topta Marokko quramasy Tájikstannan 4:2 esebimen basym tústi.

Sondaı-aq F tobynda Iran Venesýelany 7:1, Frantsııa Gvatemalany 6:3 esebimen tize búktirdi.

Endi 17 qyrkúıekte A tobynda Kosta-Rıka men Nıderland, Ózbekstan men Paragvaı kezdesse, V tobynda Taıland pen Kýba, Brazılııa men Horvatııa sheberlik baıqasady.

Eske salsaq, 15 qyrkúıekte D tobynda oıyn kórsetip jatqan Qazaqstan quramasy Ispanııamen 1:1 esebine qanaǵat bildirdi.