Fýtzaldan álem chempıonaty: Qazaqstan toptyq kezeńnen shyqty
ALMATY. QazAqparat - 21 tamyzda Almatyda ótip jatqan fýtzaldan stýdentter arasyndaǵy álem birinshiliginiń toptyq kezeńiniń jeńimpazdary belgili boldy, dep habarlaıdy QazAqparat tilshisi wucfutsal2018.com saıtyna silteme jasap.
Atalmysh jarysta V tobynda synǵa túsken jigitter óz tobynda birinshi oryn aldy. Olar aldymen Chehııany 4:3, Jańa Zelandııany 2:0 esebimen tize búktirse, Belarýspen 1:1 esebimen teń oınady. Bizdiń toptan ekinshi orynǵa Chehııa quramasy ıe boldy. Olar Qazaqstan quramysynan basqa ózge oıyndarda Belarýsti 3:1, Jańa Zelandııany 10:0 esebimen jeńdi.
Al A tobynda Reseı men Argentına, S tobynda Ýkraına men Taıland, D tobynda Portýgalııa men Polsha jarysty jalǵastyrý múmkindigine ıe boldy.
Endi ár toptan alǵashqy eki orynǵa ıe bolǵandar shırek fınalǵa shyqsa, sońǵy eki oryndaǵy quramalar 9-16 oryndar úshin saıysqa túsedi. Al jartylaı fınal 24 tamyzda ótkizilse, fınal men 3-oryn úshin báseke 26 tamyzda bolady.
