Fýtzaldan álem chempıonaty: Qazaqstan quramasynyń qarsylastary qalaı oınady
NUR-SULTAN. QazAqparat - Búgin Lıtvada fýtzaldan álem chempıonatynyń fınaldyq satysynda A tobyndaǵy alǵashqy týr aıaqtaldy, dep habarlaıdy QazAqparat tilshisi.
Eske salsaq, budan buryn Qazaqstan quramasy Kosta-Rıkadan 6:1 esebimen basym tústi.
Odan keıin Lıtva men Venesýela sheberlik baıqasqan edi. Bul kezdesýde lıtvalyqtar qarsylasyna 1:2 esebimen jol berip qoıdy.
Endi Qazaqstan quramasy 15 qyrkúıekte Lıtvamen oınaıdy. Al Venesýela men Kosta-Rıkamen alańǵa shyǵady.
Toptyq kezeń oıyndary 12-20 qyrkúıek aralyǵynda bolady. Fınal 3 qazanǵa belgilengen.
Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.
