Fýtzaldan álem chempıonaty: Qazaqstan quramasynyń 1/8 fınaldaǵy qarsylasy anyqtaldy
NUR-SULTAN. QazAqparat - Fýtzaldan álem chempıonatyn 1/8 fınalynda Qazaqstan quramasy Taılandpen kezdesedi, dep habarlaıdy QazAqparat tilshisi.
Qazaqstandyq fýtzalshylar A tobynda synǵa tústi. Qarsylastary - Lıtva, Venesýela, Kosta-Rıka.
Toptyq kezeńde Kosta-Rıkadan 6:1, Lıtvadan 3:0 esebimen basym boldy. Al Venesýelamen 1:1 esebimen teń tústi.
Taıland S tobynda úshinshi oryn aldy. Portýgalııadan 1:4 esebimen jeńilse, Marokkomen 1:1 esebimen teń oınap, Solomon araldaryn 9:4 esebimen tize búktirdi.
Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.
Álem chempıonatynyń fınaly 3 qazanǵa belgilengen.
