Fýtzaldan álem chempıonaty: Qazaqstan búgin shırek fınalda Iranmen oınaıdy
NUR-SULTAN. QazAqparat - Búgin Qazaqstan quramasy fýtzaldan álem chempıonatynyń shırek fınalynda Iranmen sheberlik baıqasady, dep habarlaıdy QazAqparat tilshisi.
Irandyq qurama 1/8 fınalda Ózbekstan quramasyn 9:8 esebimen tize búktirdi.
Al Qazaqstan jarystyń atalǵan satysynda Taılandtan 7:0 esebimen basym tústi.
Kezdesý elorda ýaqytymen 23:00-de bastalyp , «Qazsport» telearnasynan tikeleı efırde kórsetiledi.
Buǵan deıin álem chempıonatynyń shırek fınalynda Brazılııa Marokkony 1:0 esebimen jeńse, Reseı Argentınaǵa qosymsha kezeńde 1:2 esebimen jol berdi.
Oslyaısha jartylaı fınaldaǵy alǵashqy jup anyqtalyp, onda Argentına men Brazılııa synǵa túspek.
Toptyq kezeńde Qazaqstan quramasy Kosta-Rıkadan 6:1, Lıtvadan 3:0 esebimen basym boldy. Al Venesýelamen 1:1 esebimen teń tústi.
Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.
Álem chempıonatynyń fınaly 3 qazanǵa belgilengen.
