Fýtzaldan álem chempıonaty: Qazaqstan birinshi kezeńde Brazılııadan basym tústi
NUR-SULTAN. QazAqparat - Búgin Qazaqstan quramasy fýtzaldan álem chempıonatynda 3-oryn úshin Brazılııamen kezdesýiniń birinshi kezeńi aıaqtaldy, dep habarlaıdy QazAqparat tilshisi.
Kezdesýde eki quramanyń da jeńiske jetý múmkindigin izdeýde. Shabýyl shebinde jıi boı kórsetýde. Oıynnyń 12-mınýtynda brazılııalyq qaqpashy Gıtta óziniń qaqpasyna avtogol soǵyp aldy.
Osylaısha birinshi kezeńnen keıin Qazaqstan qarsylasynan 1:0 esebimen basym túsýde.
Aıta ketsek, Brazılııa - álem chempıonatynda bes dúrkin chempıon ataǵyn jeńip alǵan jalǵyz qurama.
Eske salsaq, toptyq kezeńde Qazaqstan quramasy Kosta-Rıkadan 6:1, Lıtvadan 3:0 esebimen basym bolsa, Venesýelamen 1:1 esebimen teń oınady.
Odan keıin 1/8 fınalda Taılandtan 7:0 esebimen basym túsip, shırek fınalda Irandy 3:2 esebimen súrindirdi. Al jartylaı fınalda Portýgalııamen overtaımda 2:2 esebimen teń túsip, penaltı tebýde qarsylasyna jol berdi.
Al Brazılııa jartylaı fınalda Argentınaǵa 1:2 esebimen jol berdi.
Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.
