Fýtzaldan álem chempıonaty: Búgin Qazaqstan quramasy Chernogorııamen kezdesedi

ASTANA. QazAqparat - Fýtzaldan Qazaqstan quramasy búgin, 9 qarashada álem chempıonaty irikteý satysynda óz alańynda Chernogorııaǵa qarsy oınaıdy, dep habarlaıdy QazAqparat tilshisi.

Atalǵan kezdesý elorda ýaqytymen 20:00-de bastalyp, Qazsport telearnasynan tikeleı efırde kórsetiledi. Oıyn Almaty qalasyndaǵy Balýan Sholaq sport saraıynda bolady.

El quramasy besinshi topta synǵa túsedi. Qarsylastary - Slovenııa men Chernogorııa.

Buǵan deıin qazaqstandyq fýtzalshylar óz alańynda Slovenııany 2:0 esebimen tize búktirse, syrt alańda Chernogorııadan 5:1 esebimen basym tústi.

Sondaı-aq, el quramasy 2023 jyldyń 8 naýryzynda Slovenııamen syrt alańda taǵy bir márte kezdesedi.

Eske salsaq, negizgi irikteý kezeńi 12 toptan turady. Ár toptyń jeńimpazdary men ekinshi oryn alǵan tórt úzdik komanda tikeleı elıtalyq kezeńge shyǵady.

Ekinshi oryn ıelengen qalǵan segiz komanda ótpeli oıyndar arqyly taǵy tórt joldamany sarapqa salady.

Fýtzaldan Qazaqstan quramasy álem chempıonaty elıtalyq satysynda 2000, 2016, 2021 jyldarda synǵa tústi. Olar 2021 jyly tórtinshi orynǵa taban tiredi.

Foto: kff.kz