Fýtzaldan álem chempıonatynda Qazaqstan quramasynyń qarsylastary qalaı oınady
ASTANA. KAZINFORM - Fýtzaldan Ózbekstanda ótip jatqan álem chempıonatynda ekinshi týrynda Qazaqstan quramasynyń qarsylastary qalaı oınaǵany belgili boldy.
El quramasy D tobynda Ispanııa, Lıvııa jáne Jańa Zelandııamen sheberlik baıqasady.
18 qyrkúıekte atalǵan toptaǵy Ispanııa quramasy Jańa Zelandııany 7:1 esebimen tize búktirdi.
Bul kúni Qazaqstan quramasy Lıvııadan 3:1 esebimen basym tústi.
Nátıjesinde tórt upaımen Ispanııa men Qazaqstan alǵashqy eki oryndy ózara bólisip tur. Ekeýi alǵashqy týrda 1:1 esebimen upaı bólisken edi. Endigi kezekte atalǵan topta qaı quramanyń birinshi oryn alatyny aldaǵy qarsylastaryn qandaı eseppen jeńetinine baılanysty bolyp otyr. Ázirge bul jóninen Ispanııa alda keledi.
Endi 21 qyrkúıekte Qazaqstan quramasy Jańa Zelandııamen kezdesse, Ispanııa Lıvııaǵa qarsylas atanady.
Aıta ketsek, álem chempıonatynda el namysyn Narýn Serikov, Leonardo Igıta, Arnold Knaýb, Rınat Tóreǵazın, Aqjol Dáribaı, Ábdirasýl Ábdimanapuly, Azat Valıýllın, Leo, Albert Aqbalyqov, Shyńǵys Esenamanov, Birjan Orazov, Dáýren Tursaǵulov, Jahangır Rashıt jáne Dýglas Jýnıor syndy sportshylar qorǵaıdy.
