Fýtzaldan álem chempıonatynda Qazaqstan quramasy Argentınadan iri eseppen jeńildi

ASTANA. KAZINFORM - Búgin, 30 qyrkúıekte fýtzaldan Qazaqstan quramasy álem chempıonatynyń 1/4 fınalynda Argentınadan oısyraı jeńildi. 

Kezdesý barysynda birinshi kezeńde qos quramanyń gol soǵatyn birneshe múmkindigi bolǵan edi. Degenmen qarsylastar ol múmkindikterdi tıimdi paıdalana alǵan joq. Ekinshi kezeńde argentınalyq fýtzalshylar qatarynan tórt gol soǵyp ketti. Ony Matıas Roza 21, Anhel Klaýdıno 26, Kevın Arrıeta 32, Sebastıan Korso 32-mınýtta óziniń enshisine jazdy. 

Oıynnyń 35-mınýtynda Dáýren Tursaǵulov aıyp alańynda qolmen oınap, alańnan qýyldy. Qazaqstan quramasy qaqpasyna belgilengen penaltıden argentınalyq Kevın Arrıeta múlt ketken joq. Al, qazaqstandyq Dáýren Tursaǵulov 33-mınýtta esep aıyrmasyn qysqartsa, argentınalyq Lýkas Bolo-Alemanı 33-mınýtta esepti ústemeleı tústi. Osylaısha Qazaqstan quramasy qarsylasyna 1:6 esebimen esebimen ese jiberip, jarys jolynan shyǵyp qaldy.

Eki qurama qazirge deıin eki márte kezdesti. Alǵash ret 2016 jyly álem chempıonatynda el quramasy olarǵa 0:1 esebimen esebimen ese jiberse, bıyl qyrkúıek aıynda joldastyq kezdesýde 3:2 esebimen qapy qaldyrdy.

Endi Argentına quramasy 3 qazanda jartylaı fınalda Frantsııamen oınaıdy.

Qazaqstan bıyl D tobynda Ispanııamen 1:1 esebimen teń oınasa, odan keıin Lıvııany 4:1, Jańa Zelandııany 10:0 esebimen tize búktirdi. Nátıjesinde óz tobynda Ispanııany alǵa jiberip, ekinshi oryn aldy.

Odan keıin 1/8 fınalda Portýgalııany 2:1 esebimen jeńip, shırek fınalǵa shyqty. 

Qazaqstan quramasy qazirge deıin álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Bıyl álem chempıonatynda el namysyn Narýn Serikov, Leonardo Igıta, Arnold Knaýb, Rınat Tóreǵazın, Aqjol Dáribaı, Ábdirasýl Ábdimanapuly, Azat Valıýllın, Leo, Albert Aqbalyqov, Shyńǵys Esenamanov, Birjan Orazov, Dáýren Tursaǵulov, Jahangır Rashıt jáne Dýglas Jýnıor syndy sportshylar qorǵady.