Fýtzaldan álem chempıonaty: Qazaqstan quramasynyń qarsylastary anyqtaldy

ASTANA. KAZINFORM - Búgin fýtzaldan álem chempıonaty fınaldyq satysyndaǵy Qazaqstan quramasynyń qarsylastary anyqtaldy.

Dúbirli doda 14 qyrkúıek-6 qazan aralyǵynda Ózbekstannyń Tashkent, Buhara jáne Ándijan qalalarynda bolady.

El quramasy D tobynda synǵa túsedi. Qarsylastary - Ispanııa, Jańa Zelandııa jáne Lıvııa quramalary.

Quramalardyń toptarǵa bólinisi tómendegishe:

A toby: Ózbekstan, Nıderland, Paragvaı, Kosta-Rıka

V toby: Brazılııa, Kýba, Horvatııa, Taıland

S toby: Argentına, Ýkraına, Aýǵanstan, Angola.

D toby: Ispanııa, Qazaqstan, Jańa Zelandııa, Lıvııa.

E toby: Portýgalııa, Tájikstan, Marokko, Panama.

F toby: Iran, Venesýela, Frantsııa, Gvatemala.

Álem chempıonaty 14 qyrkúıek-6 qazan aralyǵynda Tashkent, Buhara jáne Ándijan qalalarynda bolady. Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Aıta ketsek, FIFA-nyń alǵashqy reıtıngisinde Qazaqstan fýtzal quramasy 4-orynǵa jaıǵasty.