Fýtzaldan álem chempıonaty: Qazaqstan quramasy Lıvııany 4-1 esebimen jeńdi

ASTANA. KAZINFORM — Fýtzaldan Ózbekstanda ótip jatqan álem chempıonatynyń ekinshi týrynda Qazaqstan quramasy Lıvııany 4-1 esebimen jeńdi. 

Kezdesýdiń 15-mınýtynda qazaqstandyq fýtzalshy Aqjol Dáribaev qarsylastar qaqpasynan sańylaý taýyp, quramasyn esepte alǵa shyǵardy. Araǵa eki mınýt salyp Lıvııa sapynan Hamıs tarazy basyn teńestirdi. Alaıda Qazaqstan quramasynyń oıynshylary tez jınaqtalyp, ádemi kombınatsııalyq shabýyl uıymdastyrdy. Kóp ótpeı Birjan Orazov ta kózge túsip, tablodaǵy esepke ózgeris engizdi. Al, 18-mınýtta Jahangır 3:1 esebin tirkedi. Oıynnyń núktesin 35-mınýtta Albert Aqbalyqov qoıdy. 

Aıta keteıik, alǵashqy týrda Qazaqstan quramasy Ispanııamen 1:1 esebimen teń oınady. Al, Lıvııa Jańa Zelandııany 5:2 esebimen qapy qaldyrdy. 

Endi Qazaqstan quramasy toptaǵy sońǵy oıyndy 21 qyrkúıekte Jańa Zelandııaǵa qarsy ótkizedi.

Eske salsaq, Ózbekstandaǵy dúbirli dop dodasy 14 qyrkúıek pen 6 qazan aralyǵynda ótedi.